Ny Firafitry ny Baiboly

Ny soratra hebreo sy grika dia nomena antsika misy lamina napetrak’Andriamanitra. Ny Baiboly fampiasan-tsika an-davanandro dia misy ny Boky rehetra, kanefa ny laharan’ireo dia hafa, ka tsy ananantsika ny tena laharany nomen’Andriamanitra.

Misy fizarana firy ny Testamenta Taloha sy ny Testamenta Vaovao ?

Mizara 3 ny Testamenta Taloha, ary ny Testamenta Vaovao dia mizara 4. Fito izany ireo fizarana rehetra ireo – Ny isa 7 dia ampiasain’Andriamanitra ao amin’ny Soratra Masina mba hanehoana ny fahatanterahana, ny fahafenoana. 

Taloha, ny jiosy dia nanisa ho 22 ny isan’ny Bokin’ny Testamenta Taloha. Ka raha ampiana ireo boky 27 ao amin’ny Testamenta Vaovao izany, dia 49 ny isan’ny Boky ao amin’ny Baiboly, izany hoe 7 ampitomboina 7. Miharihary fa ny tànan’Andriamanitra mihitsy no nandrindra io boky tsy manan-tsahala io.

Hahalalana ny zavatra hitranga amin'ny ho avy, ary Hahazoana Fiainana sy Fahendrena ny Baiboly

1- Daniela 12:9	« Dia hoy izy: Andeha, ry Daniela, fa efa voahorona ny teny sady voaisy tombo-kase mandra-pihavin'ny andro farany. »
2- Daniela 12:10	« Maro no hodiovina sy hofotsiana ary hozahan-toetra; fa ny ratsy fanahy kosa mbola hanao ratsy ihany, ary tsy hisy amin'ny ratsy fanahy hahafantatra, fa ny hendry no hahafantatra. »
3- Ohabolana 9:10	« Ny fahatahorana an'i Jehovah no fiandoham-pahendrena; Ary ny fahafantarana ny Iray Masina no fahazavan-tsaina. »
4- Ohabolana 8:13	« Ny fankahalana ny ratsy no fahatahorana an'i Jehovah. Ny fiavonavonana sy ny fireharehana sy ny lalana ratsy; Ary ny vava fandainga dia samy halako avokoa. » Ohabolana 15:33 « Ny fahatahorana an'i Jehovah dia fananarana mampahahendry; Ary ny fanetren-tena mialoha ny fisandratana. » Ohabolana 16:6 « Ny famindram-po sy ny fahamarinana no avotra amin'ny heloka; Ary ny fahatahorana an'i Jehovah no analavirana ny ratsy. »
5- Salamo 111:10	« Ny fahatahorana an'i Jehovah no fiandoham-pahendrena; Fahalalana tsara no ananan'izay rehetra mankatò izany; Maharitra mandrakizay ny fiderana Azy.»
6- Matio 24:3	« Ary nipetraka teo an-tendrombohitra Oliva Izy, dia nanatona Azy mangingina ny mpianany ka nanao hoe: Lazao aminay izay andro hahatongavan'izany, ary izay ho famantarana ny fihavianao sy ny fahataperan'izao tontolo izao. »
7- Isaia 46	Isaia 46:9 « Tsarovy ny zavatra taloha izay efa lasa ela; Fa Izaho no Andriamanitra, ka tsy misy hafa; Izaho no Andriamanitra, ka tsy misy tahaka Ahy, »  Isaia 46:10 « Izay manambara ny farany hatramin'ny voalohany, ary nanambara hatramin'ny ela izay tsy mbola natao akory, dia ilay manao hœ: Ho tò ny fikasako, ary hefaiko ny sitrapoko rehetra, »  Isaia 46:11 « Izay miantso vorona mpihaza avy any atsinanana, dia lehilahy avy any an-tany lavitra hahefa ny fikasako; sady efa niteny izany Aho no hahatanteraka azy koa, sady nikasa Aho no hahefa azy. »
8- Matio 24:32	« Ary mianara ny fanoharana ny amin'ny aviavy: Raha vao manaroka ny rantsany ka mandravina, dia fantatrareo fa efa akaiky ny lohataona.» Matio 24:33 « Dia tahaka izany koa ianareo, raha vao hitanareo izany rehetra izany, dia aoka ho fantatrareo fa efa akaiky mby eo am-baravarana Izy.»
9- 1 Tesaloniana 5:1-5	« Fa ny amin'ny andro sy ny fotoana, ry rahalahy, dia tsy misy tokony hosoratako aminareo, satria ianareo mahalala marimarina fa ho avy toy ny mpangalatra amin'ny alina ny andron'ny Tompo. Raha misy olona manao hœ: Miadana sy mandry fahizay, dia   hanjo azy tampoka ny fandringanana, toy ny fahararian'ny vehivavy raha miteraka, ka tsy ho afa-mandositra mihitsy izy. Fa ianareo, ry rahalahy, tsy ao amin'ny maizina, mba hahatratra anareo toy ny mpangalatra izany andro izany. Fa ianareo rehetra dia zanaky ny mazava sy zanaky ny andro; tsy an'ny alina na an'ny maizina isika. »
10- Matio 24:36	« Fa ny amin'izany andro sy ora izany dia tsy misy mahalala, na dia ny anjelin'ny lanitra aza, [ary na ny Zanaka aza,] afa-tsy ny Ray ihany. »